Ասկերանի շրջանի Ավետարանոց գյուղի բնակչուհի՝ Սիլվա Սարգսյանի ընտանիքը պատերազմի սկսվելուց 3 օր անց գալիս է Հայաստան՝ ժամանակավոր բնակության համար:
Սիլվան աշխատել է Ավետարանոց գյուղի մանկապարտեզի տնօրեն և միաժամանակ դպրոցում դասավանդել է ինֆորմատիկա առարկա:
Սիլվան իր երկու դուստրերի և երկու անչափահաս թոռնիկների հետ այժմ ժամանակավոր կացություն է հաստատել հյուրատներից մեկում ։
Իր ամուսինն ու տղան այժմ գտնվում են Ստեփանակերում։ Տղան՝ Արմանը, սովորում է Արցախի պետական համալսարանում, որպես տնտսագետ և շուտով ենթակա կլինի զորակոչի։
Սիլվայի ամուսինն ֆիզկուլտուրայի ուսուցիչ է ու այժմ չի աշխատում, իսկ երկու դուստրերն ունեն բարձրագույն կրթություն, ավագ դուստրը՝ Անին, տուրիզմի մասնագետ է, իսկ կրտսեր դուստրը՝ Անիտան, իրավաբան է։
Այս դժվարին օրերին՝ կորցնելով իրենց տունն ու աշխատանքը, Սիլվայի ընտանիքն ունի մեր աջակցության կարիքը՝ բնակարանի և ապրուստը վաստակելու հարցում։